李心潔、黃婉君（Rosanne）和兩兒子及車婉婉昨晚在中環出席環保玩具拍賣活動，李心潔撇甩一對寶貝仔和老公彭順，專登由馬來西亞返港逗留一星期。

李心潔透露老公彭順今次都有兩件作品在場拍賣，他是玩具收藏家，已有萬幾件玩具，要在香港租倉儲存 ，今次一半是代表老公出席活動，同時做善事。談到兩個寶貝兒子，心潔笑說：「講到我好心痛，過嚟之前已經日日提示佢哋，佢哋話唔要，唔可以去做嘢。」但她坦言沒有衝動帶囝囝同行：「雖然好唔捨得，但若果帶埋小朋友返嚟，我就冇時間去約朋友食飯，會同GiGi（梁詠琪）食生日飯。」好姊妹楊采妮定居新加坡，雖然雙方只在比鄰，但兩人因各自有一對小朋友，亦不常見面。

成為人母後心潔明顯工作減產，直到去年在馬來西亞接拍西片《夕霧花園》，此片將在今年推出，心潔在片中大部份以說英語對白，她表示現時為了家庭和兒子，不捨得遠行工作：「可能返學都會成日逃學，因為我唔捨得佢哋。」至於和老公彭順會否再合作，心潔表示不知道，但她也希望多返來工作，因掛念香港。

黃婉君（Rosanne）帶兩個兒子現身活動，因為他們有份捐出舊玩具製作藝術品，讓小朋友知道被遺棄玩具可以幫助別人，學懂珍惜，Rosanne說：「佢哋都算乖唔會扭計買嘢，我會同佢哋講兩個選擇，媽咪有錢可以買書同食物畀你哋，若果揀玩具今日就要捱餓，人生就係要你識選擇，佢哋已經擁有好多。」

Rosanne日前剛從新加坡返港，此行過去和妹妹Race慶祝奶奶80大壽，兩姊妹一齊唱歌，她透露Race已婚後定居新加坡，並育有兩個女兒。當年的組合2R已久未合體，Rosanne說：「的確有人搵過我哋開騷，佢太耐冇出嚟表演，如果真係要三個月培訓，大家都要湊仔，又有自己事業，雖然有意思唱歌，但冇時間籌備。」並透露兩兒子有藝術天份，惟獨唱歌跳舞較差，顯然未能遺傳母親的表演天份。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

星期一至五晚上10點半
《動腦Q》Let's Q the money！
http://bit.ly/2QW8LcI