而近日斷背熱潮依然成為話題，日前有周刊指馬仔與言承旭和古天樂並列「問股價」三甲位置，對於被人開價，馬仔笑說：「有人對我股價有興趣係一廂情願，呢啲唔好預我，人係冇價，唔係你有錢就可以話點就點，我就冇俾人問價，唔通今日問股價，聽日就問雀價咩？」
馬仔覺得人靚不是憑外表而是睇內心，所以他亦沒有研究自己的臀部，不過他就坦言自己沒有膽量效法梁家輝在《情人》中露股的鏡頭。
此外，早前關心妍自爆與男友感情轉淡，昨日她再強調和男友未算分手，她說：「再畀啲時間睇吓可唔可以處理得到，雙方都想盡力去挽留。」
採訪、攝影：駱華齡