【Mandy聖誕返港？】倒數開始…洗米華率先出招「確認地位」
蘋果日報 2015/12/17 06:00
蘋果聖誕即時返港洗米華
左圖為周太Heidi及手抱細女Damiana；圈圖為MandyLieu。資料圖片- Mandy產後收身成功，不時陪洗米華外遊。資料圖片
- Mandy好友李月早前爆其聖誕將返港。資料圖片
- 而Heidi一直獲周家力撐，地位無可動搖。資料圖片
- 洗米華新歡Meko日前陪去首爾晒命貼坐私人飛機相。資料圖片
聖誕節最開心係乜嘢？當然係同至愛共度啦。咁如果你唔止一個至愛呢？咁……就煩喇！
享齊人福唔易，好似洗米華周焯華咁，香港澳門倫敦頻頻撲撲咁飛，趕頭趕命程度不下於你我趕巴士撲返工——但人家係慰妻Heidi女同女友Mandy，唔同嘅。
之前不知名女子MekoChiu喺facebook同Instagram貼出喺私人飛機候機室嘅相，聲稱陪洗米華去韓國，仲稱呼對方myluv，令人在倫敦湊女嘅MandyLieu嬲嬲豬，於是洗米華即急急由首爾飛去倫敦熄火。(新聞連結: http://bit.ly/1NyvZxs )
自恃得寵嘅Mandy，長居無雷宮咁遠，鞭長莫及，返港係遲早嘅事。之前佢嘅模特兒公司拍檔李月（BoBo）早前失驚無神爆料，話Mandy會聖誕節返港。呢個真係真係「知情人士」喎，堅喇啩？點知佢冇耐又改口話冇咁嘅事。
聖誕就快到，咁Mandy到底係返定唔返？今日又有報道「溫馨提示」喎，又指因為Mandy回港在即，洗米華亦嗱嗱聲做嘢，日前抱埋半歲囡囡Damiana出席澳門公益金百萬行。報道並解讀此舉係向老婆Heidi派定心丸喎，同埋確認女兒地位——咁Damiana真係洗米華個女，唔需要「確認」0架嘛？抱出嚟就係打印確認？
至於Mandy是否聖誕返港，當然要問番BoBo，佢就話未有所聞：「完全唔知，呢個星期冇問佢，佢之前覆我係有啲變動，冇話聖誕節會返，話會再安排，我哋唔會催佢。」而佢公司發言人就表示：「Mandy聖誕是否回公司我們還未知道，但藝人的私人時間公司並不過問，多謝關心。」
享齊人福唔易，好似洗米華周焯華咁，香港澳門倫敦頻頻撲撲咁飛，趕頭趕命程度不下於你我趕巴士撲返工——但人家係慰妻Heidi女同女友Mandy，唔同嘅。
之前不知名女子MekoChiu喺facebook同Instagram貼出喺私人飛機候機室嘅相，聲稱陪洗米華去韓國，仲稱呼對方myluv，令人在倫敦湊女嘅MandyLieu嬲嬲豬，於是洗米華即急急由首爾飛去倫敦熄火。(新聞連結: http://bit.ly/1NyvZxs )
自恃得寵嘅Mandy，長居無雷宮咁遠，鞭長莫及，返港係遲早嘅事。之前佢嘅模特兒公司拍檔李月（BoBo）早前失驚無神爆料，話Mandy會聖誕節返港。呢個真係真係「知情人士」喎，堅喇啩？點知佢冇耐又改口話冇咁嘅事。
聖誕就快到，咁Mandy到底係返定唔返？今日又有報道「溫馨提示」喎，又指因為Mandy回港在即，洗米華亦嗱嗱聲做嘢，日前抱埋半歲囡囡Damiana出席澳門公益金百萬行。報道並解讀此舉係向老婆Heidi派定心丸喎，同埋確認女兒地位——咁Damiana真係洗米華個女，唔需要「確認」0架嘛？抱出嚟就係打印確認？
至於Mandy是否聖誕返港，當然要問番BoBo，佢就話未有所聞：「完全唔知，呢個星期冇問佢，佢之前覆我係有啲變動，冇話聖誕節會返，話會再安排，我哋唔會催佢。」而佢公司發言人就表示：「Mandy聖誕是否回公司我們還未知道，但藝人的私人時間公司並不過問，多謝關心。」