韓國女演員趙慧仙被爆出同韓國國家隊及所屬FC東京球隊、現年30歲嘅足球選手河大成拍拖6個月。

據熟人透露，喺趙慧仙嘅幫忙下，河大成從原本所屬球會轉到北京國安球會，而長期喺內地工作嘅趙慧仙又幫助男方熟悉內地嘅生活。而身邊所有人都知河大成選手同趙慧仙嘅情侶關係，兩人感情好到羨煞旁人。趙慧仙表示雖然雙方家長未正式見面，但都已經得到屋企人嘅承認同支持，又強調河大成選手係佢以結婚為前提嘅拍拖對象。

另外，趙慧仙長期喺內地發展，曾經跟台灣男演員黄立行合作拍攝電影《四夜奇譚之假戲真做》，並喺台劇《16個夏天》同台灣男星楊一展有激情床戲。