當年今日
關於我們

沈集成唔認命!要贏華麗明星賽

蘋果日報 2014/09/19 06:00

沈集成唔認命!要贏華麗明星賽

周日第七場二班1200米賽事,沈廐620萬拍賣馬「華麗登場」田泰安及韋達俱操過不騎,最終配杜利萊,似是賣剩蔗機會平平,但沈集成顯然唔係咁睇,繼續積極備戰,周四杜利萊彈草閘後,今朝(19號)輪到沈集成自己親為該駒踱步,操練一絲不苟。
查「華麗登場」本月2日試草地大閘,一放到底毫不吃力下,輕取短途勁旅「喜寶駒」,不久「喜寶駒」在開鑼日角逐二班1000米,以無敵姿態大熱掄元,已加至103分一班水平;所以「華麗登場」今場喺二班孭123磅好輕鬆,點會唔夠跑吖?何況佢剛踏入四歲,只跑過十仗不到,仲有好大進步空間,田草1200米亦贏過三場最首本,論實力其實未必低得過田泰安嘅「帝國勇將」及韋達嘅「英勇大師」,有機會打贏呢場華麗明星賽。