當年今日
關於我們

【華語榜中榜】與陶喆冇不和 孫楠:私下是好朋友

蘋果日報 2014/04/24 06:00

陶喆孫楠

陶喆及孫楠噚晚都有出席華語榜中榜,有傳佢兩個擔任《最美和聲》歌唱比賽導師,指佢哋互搶學員,陶喆同孫楠前後腳受訪,陶喆否認不和,仲話合作嗰段時間有講有笑;另外,陶喆0依家努力寫劇本,佢都話估唔到自己寫劇本做導演。

而孫楠就話噚日冇行紅地毯,因為帶咗老婆同小朋友去澳門玩,講到被指同陶喆爆不和,孫楠挳表示:「我們要挑好的學員,大家希望找出色歌手,令樂壇有新血。(傳聞影響感情?)完全沒有,我們私下是好朋友。這個是電視節目,在座傳媒朋友都明白電視台會挖東西,但絕不影響大家感情。」

同場吳建豪就表示內地有舞蹈比賽,想邀請佢擔任導師,佢話如果時間許可都會參加,因為可以推動內地及亞洲舞蹈。

而林志穎噚日冇帶囝囝出席頒獎禮,佢話近來幫囝囝Kimi剪咗新髮型,髮型激似李敏鎬,小志表示細個讀書時,曾被笑指似生得好似女仔,細個去男洗手間時,更被誤認係「妹妹」,以為佢入錯洗手間。小志直到七﹑八歲時剪咗平頭裝,先再冇呢個問題,不過佢囝囝亦曾經遇過呢個問題。