荷李活女星艾美阿當絲(Amy Adams)多年無出現過喺公仔箱,最近終於重返視界,監製兼主演HBO犯罪懸疑劇《Sharp Objects》。劇中嘅佢係個女記者,但就有好嚴重嘅童年陰影,即使已長大成人,依然有酗酒習慣,嚴重起上嚟仲會割脈。角色咁壓抑,艾美都話自己一度頂唔順,更接近情緒失控:「當我獨自一人的時候,是會更難抽離的今次飾演Camille一角,當然也會身心俱疲或過份入戲導致失眠,失眠會令我情緒失控。時間是最好的老師,現在的我懂得冷靜待之,告訴自己這只是一份工作,下班後還要回家煮晚餐、做家務。」佢指自己今次帶埋老公同個女拍攝,先可以放下負面情緒,確實相當辛苦。