原來男神未試過帶女仔入鬼屋？講緊嘅係海洋公園副主席、Package好好嘅青年事務委員會主席劉鳴煒。海洋公園哈囉喂全日祭今日舉行開幕禮，劉鳴煒以巫師身分客串演出，但睇嚟佢唔多慣做主持，介紹今年哈囉喂活動時都講到口窒窒，強調自己往年都有喺園區內嚇人，相信今年亦唔會例外，繼續令到女士因佢出現We娃鬼叫。

但男神話喎，去年嚇人嗰陣試過畀人認出，所以今年哈囉喂期間會用新look登場，佢之後仲派金句，妙答傳媒問佢有無試過帶女仔入鬼屋？佢話：「朋友又好，敵人都好，都值得帶佢嚟」，果然好鬼hardsell。

而年年都有新look嘅盛智文就不停同話喎，今年嘅鬼屋「Really Scary」，歷年最恐怖喎，會唔會令大家嚇破膽？