【爆相爆片】郭可盈林文龍趁囡囡返學 逛商場享受二人世界
蘋果日報 2019/09/22 00:30
郭可盈林文龍二人世界
郭可盈和林文龍04年結婚，他們育有9歲多獨女林天若，兩夫妻不用開工時，一定陪着囡囡三為一體出動。有讀者李先生日前透過《蘋果》的「爆相爆片」分享了可盈和文龍日前孖咇出動的相片。
李先生表示當日中午時段見到可盈和文龍，恩愛現身將軍澳一個商場，李先生說：「佢哋好恩愛出現，由二樓坐扶手電梯落嚟，跟住就行咗去客務中心，當時都有幾個人排隊，可盈同文龍跟住排，輪到佢哋時，文龍就拎咗張停車場飛出嚟蓋印。現場都有巿民認出佢哋兩公婆，有對佢哋眼望望。」李先生指他們其後離開往停車場取車，可盈蹺實文龍的臂彎。兩夫妻平日都會早起身親自做柴可夫送囡囡返學，天若中午時段仍然上學，可盈和文龍正好趁這個空檔拍拖逛商場享受二人世界。
(讀者提供照片/IG圖片)
林文龍和老婆郭可盈孖咇逛商場。 (讀者提供照片)
林文龍拎停車場票往客務中心蓋印。 (讀者提供照片)
恩愛的背影。 (讀者提供照片)
蹺實行。 (讀者提供照片)