hmvod原創話題劇《性敢中環》，今晚喺銅鑼灣進行拍攝，參與演員包括陳嘉莉(Kelly)、 何佩瑜(Jeana)、連詩雅、雨僑、鄭欣宜、鄒文正及導演黃真真等，劇組為噚日31歲生日嘅欣宜同鄒文正送上生日蛋糕，欣宜話：「我哋同年同月同日生。」

o依家單身嘅陳嘉莉，算是最性感的一個，Kelly話成套齣戲佢都比較性感，o依家要忙keep fit，保持開心配合跑步，唔會亂食嘢，對於單身是否可以性感啲，Kelly話：「係，今日冇乜所謂，健康嘅性感，自己冇乜顧忌，隨緣，佛系心，拍拖隨緣，自己唔係好想拍拖，覺得o依家好自由。」Kelly承認o依家好多人追，不過佢話好難答覆對方，佢又笑認話享受俾人追嘅感覺：「要審慎選擇，享受下o依家先，覺得緣份未到，同埋o依家要忙拍戲拍，經常大夜班，拍到好攰，有少少時間都用來做運動。」

Jeana指五個女仔喺戲入面係「中環五月天」， 非常受歡迎，講到擇偶條件，Jeana話：「自己擇偶條件唔會同其他人撞，自己唔會揀外表，會揀啲有內涵，以前自己讀女校，因為短頭髮又高，好受歡迎，好多女仔鍾意。」有指Jeana計劃買千萬豪宅，佢話係睇緊不過未買，Jeana說：「自己鍾意偏遠啲嘅地方，想大啲有海景，因為自己唔係返朝九晚五，所以交通方便都係嘥。」

連詩雅話中學時期試過同最好嘅朋友鍾意同一個男仔，佢話：「當然我哋選擇友誼第一，唔想是但一個人唔舒服，人大咗更加唔會同朋友爭。」

精選娛聞，喺晒《娛果》
http://fb.com/appledailyent