【告別大台】Hugo親揭《山下見》原名《Promise》 期待平安相見
Hugo 啱channel 山下見 告別大台·我們的頒獎禮
Your browser does not support the video tag.
由啱Channel主辦的民間頒獎禮《告別大台·我們的頒獎禮》,今天晚上在麥花臣場館舉行,第一個得獎的是王喜,他獲頒最佳指揮交通市民大獎,還在上台說:「多謝每一位香港人喺過去6個月,將自己識得嘅嘢,服務香港、服務市民!識急救嘅,見到人流血咪去救。識繙譯嘅,咪繙譯畀人知香港發生咩事。影相叻嘅,咪幫手影相記錄落嚟。當每一個香港人行出一小步,先可以行出一大步。」其後王喜唱出《和你飛》。王喜上台前受訪,講到最近好多劫案發生,他有感而發:「呢個係佢哋決定用呢個態度返工嘅後果。如果警隊嘅成立目的,係去保護他人生命及財產,必定會去實踐呢個宗旨。而家警察誓章有冇呢一句?我就搵唔到喇,如果你搵到話我知。」
王宗堯獲頒最意志堅定大獎,他在台上致辭時說:「好開心仲可以見到好多人坐喺度,香港警察仲未拉得晒我哋,由2014開始,唔止我一個人,好多人陪住香港,我相信呢個獎係屬於香港人。」之後他唱出《不屈》,唱完歌後,王宗堯大叫:「光復香港!」台下觀眾立即大叫:「時代革命!」他受訪時被問到會否終有一日煲底見,王宗堯肯定地回答:「信!」,他又說:「今年成件事好轟烈,好多傷亡、有好多冇諗過喺香港發生嘅事,有普通市民被無差別攻擊,有警察無差別打市民、開槍,好多喺5年前冇諗過,5年前87枚TG已經『嘩』。」
周庭獲頒最佳日語演繹大獎,螢幕播出她與何君堯的合照,周庭在台上說:「一隻同黑社會握過嘅手,竟然拍過我膞頭,真係好羞恥。當年嘅何君堯其實只係替代,估唔到我會同一個最厚顏無恥嘅議員拍過節目。2019年,對我嚟講,對大家嚟講,係充滿痛苦嘅一年,希望2020會係除低面罩喺煲底相見。成功係一條長路,係會流血,但成功係一定會嚟。」周庭受訪時認為難與雨傘運動比較:「而家同2014年都幾唔同,大家參與程度、警暴、政府無恥都唔同,好難直接對比。」她又提醒大眾不要習慣、不要忘記初心:「唔好太多人中槍、坐牢就麻木咗。」
早前Hugo在《造星II》決賽邀請Retroll hip hop隊友上台唱新歌《山下見》,歌詞打動網民,今日他們再次上台唱《山下見》,唱完歌,Hugo還說出感言:「今日係第199日,我哋由炎暑走入暖冬,其實呢首歌原本係叫《Promise》,因為我哋知道會承諾一齊喺山下面見到大家。前路尚有,繼續加油。」
Rubberband獲頒最擁抱未來大獎,他們在台上說:「大家一齊告別大台啦!」他們在唱出《未來見》前,主音6號說:「衷心用呢首歌祝福香港我哋呢塊土地,19年有幾唔順利、幾差都好,希望我哋有自己嘅信念,2020年有自己方向要行,會更好嘅。」歌曲尾聲,6號又在台上大叫「2020年香港人會更好!」
最後《願榮光歸香港》成為《2019我最喜愛歌曲》,有觀眾大叫「唱國歌,起立!」全場即刻起立兼開手機燈大合唱。另外大會亦稱,與場館溝通好,若擔心現場情況不安全,觀眾可以在場內留到安全為止。
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇 -----------------------------
【撐學生】
召集有心人 撐學生全年睇《蘋果》
立即按此 Hugo再次唱出《山下見》,又透露歌曲原本叫《Promise》。