莎莎婦女銀袋日今日於沙田馬場舉行，何傲兒及何傲芝兩姊妹以一身黑色裝束現身，何傲芝話參與莎莎呢個活動已經10年，第一個司儀工作就係呢個活動，所以別具紀念價值。

提到今日兩姊妹個造型係由何傲芝設計，講到揀男朋友會唔會幫妹妹眼？何傲芝話：「妹妹o依家生活圈子闊咗，經常返內地工作接觸唔同人，睇唔到咁多，成日要照顧佢可能大家都有壓力，o依家要學識放手。」何傲兒就詐嬌話：「唔係壓力，係幸福。」

何傲兒之前去咗美國、北京等工作拍劇，體驗獨立生活，最蝦碌係有日喺房食爆谷食到甩咗隻大牙，仲吞埋落肚，好擔心喺北京難搵牙科醫生，所以返港後立刻求醫。

更多娛聞，喺晒《娛果》
http://fb.com/appledailyent