「港版國安法」如夢魘緊隨城中每人的一言一行，象徵言論自由的出版業，由以前百花齊放，到近年時政刊物越見凋零。政府下月中准許如期舉辦香港書展（15至21日），或是《國安法》下首次舉行，惟出版界不約而同指，政權言論紅線多、法例模糊不清，何謂「敏感」內容讓出版界難以拿捏，預期自我審查和白色恐怖逐漸加劇。政權一聲令下「顛覆國家安全」，誰都無法保證自己不會是下一個銅鑼灣書店店長，不過就算怕，書商指當仍有空間發聲時仍會盡力捍衞，勿主動退縮。

推國安法消息甫出
大出版社急停抗爭新書

港版國安法五月下旬橫空出世。今年會參加書展的出版社代表阿Y（化名）得悉行內有新書即時胎死腹中，一間大眾熟悉的出版社疑擔心違反國安法，不願出版與去年抗爭運動相關的書籍，「我都有八卦本書係咪講港獨，佢哋話冇，只係分析角度睇抗爭運動。」

阿Y的出版社今年沒有出版時政書，參展計劃暫無受國安法打亂，至於已出版的時政書打算如常擺賣，「唔驚得咁多。我都唔知道佢究竟乜嘢叫做『敏感』，條線可以好唔同。我好難拿捏，索性唔好諗咁多。」

國安法消息傳出後，勾起阿Y重溫2015年銅鑼灣書店事件新聞，阿Y推敲五子因賣書觸及國家主席習近平而踩中紅線，但國安法更難捉摸：「講啲乜嘢就叫出事呢？係咪講吓反送中都叫敏感？定『港獨』先叫敏感？最麻煩係呢個位。自我審查當然非常唔好，但唔審查萬一踩中就拉，又好麻煩。」Y估計香港內容應該可以「捱多陣」，但港獨已成禁忌不能觸及。

白色恐怖
藍絲團體號召入書展舉報「港獨」書

有團體網上號召入書展舉報港獨書籍，阿Y質疑，那些組織人士本身都不入書店睇書買書，這種號召似「文革篤灰」，亦擔心會受到滋擾。阿Y認為以政府干預教育、傳媒等不同界別走勢，出版界肯定是下個整頓目標之一，如今只有見步行步，「當仲有空間時，唔好自己縮咗先，希望仲捍衞到呢個空間。」但坦承如果開始出現禁書名單或出版界人士背負刑責後果，「去到嗰個位都好難去用條命博，到時可能真係放棄某啲政治書。」

次文化堂社長彭志銘說「白色恐怖就梗啦」，國安法最大問題是打擊一個地方原有的多元聲音、人們表達意見的自由，從事出版多年的他指，從來無人故意出書反政府「整本支持港獨嘅書」，直到前特首梁振英忽然指《香港民族論》宣揚港獨為止，當法官邏輯扭曲成斬人也是情操高尚，只凸顯一地法治淪為無物，法律網已不能保護人民，「你本書題材係點已經唔重要，係來自一言堂、人治。」

他形容，國安法通過令參展商、出版商、作者都承受巨大的心理壓力，以往能在書展買到的六四、劉曉波等題材的書籍，參展商會猶豫今年還能否帶去賣，書店還應否上架，作者能否再評論時政，「其實冇得驚，唔係內容出不出得，條紅線由佢哋定，話你犯法就犯法。可能針對個人，好似黃之鋒，只要有佢個人嘅書，你出唔出呢？」他舉例指，中共DQ議員，政權不是按條文演繹，而是「估」每人心中的想法，「你簽咗都話你唔真心」，這是最令人擔心的地方。

次文化堂重推千禧版《老懵董》：紀念香港曾出版自由

彭志銘強調，出版社從來沒有做違法的事，今年夥拍政治風眼人物《頭條新聞》固定班底吳志森出書，另外會復刻出版2000年《老懵董》，「當年批評特首都冇人搞我哋，點解《頭條新聞》就咁多投訴？」為此以書明志，紀念一下曾經是自由出版社會的香港。

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多