莊思敏同苟芸慧近日因為一間點心店股份問題爆出風波（新聞連結： http://goo.gl/rhTSHN ），莊思敏噚晚出席電影首映時被追問此事，佢就話：「股東上面已有共識，大家唔會再提，盡量保護股東私隱，因為新舖剛剛開，成件事運作順利，希望今年再開第二間，亦有好多朋友畀意見，同埋想帶我哋去到澳門。」

咁見到苟姑娘時會否尷尬？佢話：「冇嘢，私下已經搞清楚，冇任何事。（喺舖頭撞過？）冇。（嚟緊再開係咪原班人馬股東？）會呀﹗」

有傳因為不滿所以退股？佢就話冇，又話自己有返舖頭幫手，講到其中一個產品「蛋黃哥」，外界反應好好，但因為人手及伙計唔夠，所以佢自己都要落場執枱。

問到股份爭議呢件事，有冇令股東唔開心？佢話：「冇人想有是非嘅，亦有啲股東唔係圈內人，想保持低調。」若有機會再同苟姑娘為間舖宣傳？佢話：「如果啱時間就冇問題。」