古奴今年都52歲喇，佢知悉愛妻背住佢偷食後，已經恐嚇過「姦夫」；點知後者態度依舊，同廸亞高媽媽保持親密來往，所以古奴終於忍唔住，日前處心積慮用假地址租架「烈火戰車」搵情敵尋仇！「姦夫」講番遇襲過程：「古奴搵架電單車撞完我，我已經跌咗喺地，佢仲想衝過嚟打我一鑊！」
古奴嘅律師表示，佢當事人會否認控罪，並申請保釋外出；至於遠在英國倫敦嘅廸亞高，就將全副精神放喺前日巴西硬撼葡萄牙嘅比賽上，佢知道事件後只係表示「極度震驚」，但拒絕離隊飛返巴西；或者，巴西教練鄧加就係欣賞此子嘅專業精神，所以有派坐喺後備席上嘅廸亞高落場。
古奴查實係囝囝廸亞高嘅經理人，求大俠諗佢會唔會用得太多時間處理囝囝嘅事業，導致愛妻紅杏出牆呢？
「被巴西傳媒譽為『新卡卡』嘅廸亞高，喺德甲撈得風生水起，希望今次不愉快事件快啲過去，以免影響佢場上心情啦！」