當年今日
關於我們

世盃抽籤就快到 睇吓三大球王點講?

蘋果日報 2017/12/01 21:20

巴西世界盃阿根廷葡萄牙C朗美斯基斯坦奴朗拿度尼馬世盃抽籤

2018世盃抽籤在即,原來基斯坦奴朗拿度(C朗)、美斯同尼馬當今三大最受歡迎球星,早前一同為FIFA拍咗輯造勢片,講吓佢哋對嚟緊抽籤嘅感受。
上年幫葡萄牙捧走歐國盃嘅應屆世足先生C朗,就話:「我心情好輕鬆,雖然某啲球隊會勁過其他球隊,但我覺得每組到時競爭性都會好平均,所以我好冷靜,因為我知道一到明年六月,每支球隊都會全心投入,準備就緒,冇任何一隊易打。」講到葡萄牙唔想抽中咩球隊,C朗補充:「唔理抽中邊隊,用咩方法,我哋都要贏㗎喇!」
至於佢個死對頭、阿根廷球星美斯,就話自己已經想像緊阿根廷會遇到咩對手,同埋自己一定會透過電視直播睇抽籤:「我嗰日唔使集訓,亦唔使比賽,一定會追住睇。」
至於被譽為未來會接兩人球王名銜嘅巴西球星尼馬,亦同C朗一樣表示輕鬆看待,仲邀請埋親戚朋友一齊坐定定睇電視直播:「我諗每個人都會,但巴西已經準備好同任何球隊對撼。」
--------------------
係你!打造星級球隊,征服各地聯賽!立即加入『BFB CHAMPIONS 2.0』! http://bit.ly/2xrTKGM