金像影帝菲臘西摩荷夫曼（PhilipSeymourHoffman）本月二號疑因過量吸毒，於紐約寓所猝逝，其葬禮日前已於紐約曼哈頓一個教堂舉行。

據美國娛樂網站RadarOnline今日引述美國NBC電視台報道，警方喺搜尋荷夫曼家中時，除咗發現有毒品之外，亦搵到兩本日記簿。荷夫曼早前盛傳被拍拖多年兼育有3位子女嘅女友MimiO'Donnell趕出家門，除咗因為唔想子女接觸到毒品，其中原因亦可能包括第三者，因為荷夫曼喺日記入面寫道當時同一名新認識嘅女性偷食，令佢覺得自己夾喺女友同情人之間。