當年今日
關於我們

【戲接戲點湊女?】力撐Moka同媽咪關係好 郭富城談造人︰由天安排

蘋果日報 2018/09/28 20:58

郭富城女兒婆媳萬梓良方媛

郭富城出席電影《麥路人》晚宴,透露電影已拍得七七八八,只有小部份未拍完,如果導演想補拍或想追求完美,可以叫經理人安排一下。城城又讚今次合作嘅導演黃慶勳好勤力、好努力去準備,作為演員會盡量配合同遷就,又指現在已經拍緊另一部新戲,但詳情唔可以透露。城城今次同楊千嬅、鮑起靜及萬梓良合作,佢話對上一次同萬梓良合作,已經係30年前拍無綫劇《成吉思汗》,當時自己啱啱喺訓練班出嚟嘅新人。
城城緊接再開戲,豈不冇時間照顧囡囡?城城即笑話︰「呢個世界有wifi,有wifi就聯絡到,唔使擔心。」至於有報道指其母同太太方媛有婆媳糾紛,佢成為磨心?城城表示:「絕無咁嘅事,係憑空想像嘅小說,每次有電影上、有演唱會,都會有咁嘅封面同劇情,見怪不怪,只可以講呢啲係無中生有嘅嘢,喺呢一刻我屋企好健康,好快樂,好和諧,呢啲不實報道回應一次就足夠,(婆媳關好好?)當然啦!」
至於,有傳方媛再為佢陀第二胎,問城城有好消息未?佢就兜圈回應話:「大家睇住我大同成長,好關心我嘅家庭生活,總之希望大家比啲時間比啲空間我,順其自然,交俾嗰天,總之屋企係咪添多個丁呢?就由天安排,暫時無可奉告。」
精選娛聞,喺晒《娛果》
http://fb.com/appledailyent
empty
攝影︰仇志德
empty
城城直言婆媳關係好。
empty
今日晚宴心情仍然好高漲。
empty
又接咗新戲,問佢點湊女,城城話有wifi就OK。
empty
第二胎有好消息未?城城話等天安排。
empty
城城同萬梓良,30年前曾合作劇集《成吉思汗》。
empty
鮑姐
empty
晚宴當然要有埋蛋糕先開心。
empty
同小演員好投契。