【新東補選】OL反對投白票 建制派指選民被迫區外投票
范國威補選劉國勳
【新增短片】
立法會今早開始進行補選投票,有建制派轟新界東的投票安排混亂。民建聯立法會議員、北區欣盛區議員劉國勳指,截至中午收到區內不少選民投訴,指到區內票站投票時,卻被指示要到區外票站投票。
劉指出,居於雍盛苑的選民屬欣盛選區,區內票站包括香海正覺蓮社佛教普光學校(欣盛苑)及宣道會陳朱素華紀念中學(雍盛苑/昌盛苑),但有選民向他投訴,到達票站後被指示要到古洞愛華學校投票,兩票站相隔極遠,「有啲選民知道後,直情唔投票就走咗」。
他稱收到至少10個類似投訴,曾向票站職員了解,引述對方確認有選民被安排到區外票站投票,他已向選舉主任投訴,認為有關混亂影響選民投票意欲,影響補選結果。
選舉事務處發言人指,任何登記於2017年正式選民登記冊的選民,才可在今補選投票。若選民登記資料如住址有變,須在法定限期即去年5月2日或之前通知選舉事務處,才可將變更的資料反映在2017年正式選民登記冊,否則新的資料只會反映在2018年正式選民登記冊,而有關選民仍須按投票通知卡的指示前往現有、即2017年正式選民登記冊上其原有登記住址的所屬票站投票,發言人強調其投票資格不會受到影響。
馬鞍山頌安一向是民建聯葛珮帆的盤據地,在宣道會台山陳元喜小學票站附近,鄧家彪的直幡插滿整條行人路,幾乎每隔10步就有鄧家彪的支持者向市民拉票,並重覆同一句:「投咗票未?請投4號,多謝」,相反范國威的團隊就明顯人丁單薄,只有一至兩個義工在路口拉票。
任職設計的姚小姐透露,今次投票支持了民主派共同推薦的范國威,她指自己本身是公民黨楊岳橋的支持者,「楊岳橋都企出嚟支持佢,所以我都支持」。對於本土派呼籲支持者投白票,她反對有關做法,「投白票就會令政府覺得,唔需要再搞民主,唔需要投票」,她呼籲有手在手就應投票,要盡公民責任投選合適的候選人。
上屆立法會支持范國威的楊小姐,今日亦再到票站投范國威一票,她希望用選票將范國威再次送入議會。林生指,自己投票給支持香港的力量,目標是要踢走保皇黨,對於范國威並非民主派最理想人選,他直言「冇得揀,唔可以俾民建聯當選」。
過往不少票站於夜晚時間大排長龍,如太古城、麗港城票站曾於最後一小時有逾1700人投票。政府早前諮詢檢討選舉安排,建議縮短投票時間,在開始及或結束時間縮減半小時或一小時,分析指根據選舉的票站數據,發現投票時段最後兩小時,有6成選民投選非建制派候選人,投票人數亦是最多。
將軍澳居民植小姐不認同政府縮短投票時間的做法,「 唔同人有唔同嘅生活安排, 應該畀本身唔得閒但想投票嘅人,都有機會去投票」,她指部分人收工時間很夜, 但難以因為要投票而請假, 縮短投票時間會令他們沒有機會投票,「 我覺得政府呢個做法係想方便行政安排, 因為夜晚排長龍嘅人會話票站安排唔好, 縮短投票時間係方便返自己,而唔係方便選民」。她認為增加票站或拉長投票時間可避免大排長龍的情況。
將軍澳居民林生指, 政府擬縮短投票時間的做法不公平,保持原本上午7時半至晚上10時半的投票時間較好,「唔同行業有唔同時間,有機會好夜先收工, 縮短時間會令想投票嘅人變相投唔到票,咁會唔公平」, 他不認為縮短投票時間可避免選民夜晚大排長龍,「 始終大家都要工作, 夜收工嘅人真係好想投票,變相剝削佢哋投票機會」, 但他不認為政府縮短投票時間為了減少民主派得票。
將軍澳居民岑生指,此做法不利選民,「 反正都係俾人投票, 點解唔係做最方便大家嘅方法, 唔係人人都可以全日都有時間投票, 應該要方便唔同工作時間嘅人投票」,他又指做法明顯有問題,「 想人投票應該製造多啲機會俾人,去方便人, 例如多啲票站咪得囉,而唔係縮短時間等你投唔到」。
立會補選新聞,《蘋果》一網睇晒
http://bit.ly/appledaily311
有選民展示選民核實卡,不滿選區屬欣盛苑,卻被安排到區外的古洞票站投票。劉國勳提供相片