該民主派人士表示，昨日接觸的市民「除咗五大訴求外，差不多全部因警暴、濫捕而上街」，有遊行人士更直言有被捕心理準備，「原本差人想用武力、濫捕嚇怕市民唔上街，但事實擺在眼前，嚇唔到市民，反而令一班人情願被捕都要發聲」，他又說昨日有不少海外媒體在場，警方如何打壓和平示威、如何濫捕完全呈現在國際社會眼前，「我未計twitter唔使一個鐘已全球廣發，特區政府咁做，只會令國際上要求制裁北京、港府壓力越嚟越大」。
他又批評林鄭日前到警總盲撐警方，「半句提醒差人要依法執法都冇提，分明鼓勵警員將濫暴行為升級」，結果出現昨日更大規模濫捕，「連喺行人路乜都冇做都照拉」，這樣只會令市民更痛恨警察，「林鄭做緊嘅嘢唔係令香港有出路，而係令香港更加無路可行、社會抗爭更加冇法子平息」。
■記者莫劍弦