騙徒嘅手法層出不窮，市民真係要小心為上。話說區議會選舉臨近，一場反送中風波搞到建制派選情反艇咁滯，本身已經深藍嘅無得避，只能自求多福，嗰啲行得無咁前嘅，就惟有遮遮掩掩。今個月初fb出現咗個叫做「南朗山人」嘅專頁，聲稱係南區居民自發創立，專門「抒發對香港、對南區事務的感受」。八方睇過內容，驟眼望落好似唔係藍營，黃黃地咁，但民主派中人叫大家唔好中計，話根本就係藍扮黃。

呢個專頁嘅簡介，講得娓娓動聽，仲話團隊成員平均年齡唔過26歲，但完全無講佢哋係咩人，係咪好奇呢？專頁第一個po係今個月23日出嘅，標題叫做「建制派完了嗎？」，結論係建制派「肯定大敗無疑」，之後又出過幅相係「香港人加油」。不過最具爭議嘅po係有關「疑似區選參選人地圖」，可惜個po已經冇咗。按專頁事後解釋佢哋嘅政治立場所言，佢哋重申係南區居民，「希望通過出版抒發對香港以及南區的感受，並增加居民對社區的關注」，除此之外「別無他意」。

但有居於南區嘅民主派人士話，個專頁係建制派出品嘅，仲提供埋專頁刪除咗嘅嗰幅「地圖」。民主動力召集人趙家賢就表示無聽過呢個專頁，但對呢啲隱形建制專頁表示唔奇怪，因為東區都有個類似嘅、叫做「D18-東區友」嘅專頁，總之用意係漂白建制派。

有讀者同八方講，今日傍晚見到5位年輕人就喺黃竹坑站派呢份「南朗山人」免費報，有街坊問佢哋乜來頭，佢哋聲稱中間偏黃，但死都唔肯講係咩機構。如果光明正大，又使乜驚人揭佢底牌？
-----------------------------

9.28五周年集會

日期：9月28日（星期六）
時間：晚上7時至9時
地點：添馬公園
註︰已獲不反對通知書

主辦︰民間人權陣線
-----------------------------

10.1國殤遊行

日期：10月1日（星期二）
時間：下午2時
地點：維園集合起步往遮打道
註︰不反對通知書申請中

主辦︰民間人權陣線
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
-----------------------------
《囚牢之疆》 專頁
揭開集中營邪惡面紗
今日新疆 明日香港