電影《哈利波特》（HarryPotter）系列嘅「哈仔」丹尼爾拉德克里夫（DanielRadcliffe），最近就拍咗一套怪雞新片《SwissArmyMan》，今日呢套電影推出咗預告片，內容可以話係古怪到不得了。丹尼爾暈倒喺海灘邊，被一名想自殺嘅男人拯救咗，個男人將佢拖返入森林，當丹尼爾醒後，個男人發現佢十分古怪。原來丹尼爾係識得放屁同講嘢嘅屍體，認真騎呢。

片中丹尼爾似足一個人肉變形金剛，可以變唔同嘅嘢，佢個口會好似個噴水池咁不停噴水，又會變成咗機關槍，口會發射子彈。佢仲可以單手就劈開一棵樹，不過，最厲害係丹尼爾仲可以喺水面飛馳，救咗佢個男人竟然當佢快艇咁坐！