韓國女神全智賢去年2月為老公崔俊赫誕下慈姑掟，日前父親節先被網民拍得同老公一家三口食飯嘅照片，其子嘅背影首度曝光。
現年35歲嘅全智賢今日再傳來喜訊，其事務所向媒體表示：「全智賢已懷孕10周。」女神全智賢再懷有第二胎，粉絲都為佢大感興奮，但佢未有透露呢胎係仔定女，預產期喺明年1月。

相關人士表示：「目前已經懷孕十周，還是懷孕初期仍需要多加注意。因為係開心嘅事，還希望大家能夠多多祝福。」而全智賢將停工安胎，今年內都唔會接拍新作品。