當年今日
關於我們

【韓流】真撻着? 雙宋疑峇里密遊前後腳離開

蘋果日報 2017/06/16 17:17

宋慧喬峇里島宋仲基太陽的後裔

韓國神劇《太陽的後裔》嘅主角宋仲基同宋慧喬,一直被《太陽》迷視為一對,當日拍劇時已多次傳出緋聞,又指二人喺美國密會,加上兩人舉動親暱,令到緋聞傳到甚囂塵上,不過兩位當事人已先後多次否認交往傳聞。
雖然《太陽》已拍畢成年,但似乎兩人關係亦十分密切,有網民就目睹二人前後腳離開印尼峇里島,雖然網民就冇目擊二人一齊游玩,但差唔多時間同處喺峇里島,又自然令到人聯想到二人可能相約遊玩。
根據網民指宋仲基於上周三抵達峇里島,並於13號離開,至於網民就於今日目睹喬妹離開峇里島返回韓國,雙宋前後腳離開峇里島只差3日,即時令到雙宋迷大感興奮,猜測兩人會唔會喺峇里島甜蜜旅行。而宋仲基要結束旅行係因為佢要趕返韓國為新片《軍艦島》宣傳,佢噚日亦聯同片中演員喺韓國出席電影發佈會。
另外,今日韓媒就報道前總統朴槿惠之前曾指示打造宋仲基成為韓流體驗館K-Style Hub嘅宣傳人形立牌,令人聯想到朴槿惠因同宋仲基關係密切而濫用權力,不過宋仲基所屬事務所即劃清界線,指宋仲基曾經擔任韓國觀光公社嘅宣傳大使,對於人形立牌完全唔知情。
empty
宋仲基上周三抵峇里島
empty
已於13號離開
empty
喬妹今日離開峇里島
empty
empty
雙宋被粉絲視為一對
empty
宋仲基噚日日喺韓國出席《軍艦島》發佈會