韓國男團SHINee主唱溫流因為聲帶長息肉，3日前入院做手術，一直休養至今。噚日，溫流所屬嘅SM事務所於官網發佈消息，表示溫流因為手術後仍要去復診同埋目前情況仲未可以正常參加演唱會，佢決定缺席聽日SHINee喺印尼雅加達嘅演唱會，專心休養，希望粉絲可以諒解。

成員Key喺綜藝節目《我們結婚了世界版2》中，將會為女團missA成員Min同男團CROSSGENE成員Shin拉線做媒人！不過Key一開始搵咗Shin個經理人出場冒充，認真鬼馬。