韓國天團BIGBANG嘅29歲成員T.O.P，去年10月因喺寓所吸食大麻，本月初遭警方調查並被檢方不拘留起訴，今日T.O.P以西裝骨骨Look現身法院。

由於今次係T.O.P首度就大麻案現身法院，加上亦都係佢自離開ICU轉到其他醫院接受精神方面治療後首度現身(相關新聞連結： http://bit.ly/2tmCmEM )，所以自然吸引大批傳媒採訪，當中今日喺首爾中央地方法院就有逾百傳媒到場，當中由T.O.P下車到進入法院，沿途都有大批傳媒進行採訪，T.O.P亦準備了道歉信，當見到傳媒時即拿出道歉信，又90度鞠躬道歉。

因T.O.P承認吸食大麻並就事件進行反省，檢方就向法院要求判T.O.P 10個月有期徒刑，緩刑兩年執行，最終判決會喺7月20號進行。