劉浩龍（師兄）於母親節前夕在廣州中山紀念堂舉行演唱會，獲妹妹和媽咪、經理人黃柏高等現身捧場。師兄邀請家人到場睇騷，希望可以順道和媽咪慶祝母親節，演唱期間他更要求全場觀眾齊齊向媽咪說「母親節快樂」，而今次演唱會還有另一種意義，所有門票收益包括師兄歌酬的30%，將撥捐廣州市偉博兒童福利基金會，幫助孤、貧、殘障和困境兒童，傳遞慈善愛心，讓更多的孩子獲得及時救助。

師兄最緊張演唱會就是跳舞環節，幸好今次是將上次香港演唱會內容帶到廣州，師兄仍保持到一身肌肉，同時又記得所有舞步，所以導演突然加要求，叫師兄如果台下反應好，不防一脫。導演要求一出，師兄不敢怠慢，個唱前密密操，務求將最好騷出，怎知廣州觀眾出乎師兄所料。

他笑說：「上年開始健身之後，身形其實一直keep到，所以今次冇話要好辛苦減肥，只是喺呢個月戒口，食雞胸同蛋白，等肌肉線條好啲，但估唔到廣州觀眾鍾意聽我唱歌多過騷肌，早知唔使練得咁辛苦。」

不過實情是觀眾有大叫他除衫，只是師兄戴了耳機聽不到台下反應，幸好師兄習慣在encore時除耳機，終於感受到觀眾反應，他說：「可以近距離知道觀眾反應，唱得特別興奮，見到佢哋手機嘅燈，真心好感動。」

《MCU寶石時軸全記錄》
1套6冊解構Marvel電影宇宙
入場睇Endgame前必讀天書！
https://hk.adai.ly/IFk7iee55V

【記住63836568】全民爆相爆片！下一個爆料王就係你
https://bit.ly/2Guolu9

星期一至五晚上10點半
《動腦Q》Let's Q the money！
http://bit.ly/2QW8LcI