前兩日公司同事同敏妮講咗個故事，話說佢朋友見八達通自動增值好方便，所以就去某大銀行申請呢個服務。同事朋友搞掂晒啲手續，諗住張八達通到時到候會自動增值，點知唔work，佢於是打電話去問銀行職員，得出嚟嘅答案認真出人意表。
位職員同佢講，張八達通第一次要負夠35蚊先至識得自動增值。同事朋友唔知點樣可以控制到，第一次負到35蚊，個問題係，佢張卡嗰陣負咗兩蚊，已經唔可以再負嘞。同事就幫朋友諗咗個解決方法，叫佢用現金入噃啲錢入張八達通度，然後計好數，再用嘟卡買嘢。不過都唔成功，後來同事朋友終於解開個謎，原來係要銀行出封信俾佢，拎去港鐵站辦手續，先可以啟動自動增值服務。