鍾麗緹(Christy)噚晚到機場亞洲博覽館為《千色之約-絕色敦煌之夜》時裝匯演擔任模特兒，Christy以敦煌仙女造型出現，甚具古典味道，佢話自己好喜歡着旗袍同古裝，但過往只拍過一次古裝戲。

鍾麗緹與前兩任老公育有3名女兒，同大陸藝人張倫碩再婚嘅Christy話：「婚後想有自己嘅BB好正常，自己好鍾意小朋友，仔女都冇所謂，最重要係健康。」

Christy亦直認有到美國做試管嬰兒，佢話：「唔係人哋所講要每日打好多支針，我比較自然情況調理身體，然後抽出卵子，但o依家未去到呢個情況，等卵子好健康先抽出嚟。」Christy透露，佢分別到大陸、台灣及美國做試管嬰兒，現階段要食得健康，多進補品同運動，唔會畀自己懷孕期限，以免給自己壓力。對於有報道指Christy向老公張倫碩承諾盡快生仔，Christy話覺得報道太好笑，而老公確為報道生氣。

精選娛聞，喺晒《娛果》
http://fb.com/appledailyent