第10屆AKB人氣總選今晚在名古屋巨蛋展開，趁開票前夕，AKB家族上午先於同場地舉行演唱會，被視為本屆冠軍大熱門嘅21歲SKE48主將松井珠理奈，今日開騷期間突然在3萬觀眾前失控爆喊，更出現呼吸困難症狀，隨後要工作人員抱落台休息。

經休息一會，松井珠理奈再度上台演出，拍住横山由依坐氣球升空獻唱，點知珠理奈再一次泣不成聲，全場粉絲此起彼落大叫「珠理奈」為佢打氣。

其實，上屆AKB總選三甲嘅指原莉乃、渡邊麻友、松井珠理奈，隨住指原莉乃退選，渡邊麻友亦已畢業，珠理奈自然成為新AKB一姐大熱，加上今屆在其家鄉愛知縣舉行，令絕對唔輸得嘅佢承受莫大壓力。

精選娛聞，喺晒《娛果》
http://fb.com/appledailyent