今屆世青盃，因為遷就洲際國家盃的關係，所以由暑假延遲到9月尾進行，不過由於正值聯賽賽期，一眾歐洲球會都不肯放人，所以令到今屆缺少一班星級戰將參賽，造成今屆賽事的星味及驚喜暫時欠奉。賽事水準亦因此而下滑，就連大溪地這支魚腩分子都可以殺入決賽周，最終3戰全敗，零入球、失21球，情況可見一斑。
不過去到16強階段，戰況會比前激烈；首先筆者就推介埃及對哥斯達黎加一戰，從直播所見，東道主埃及是一支攻力不俗、防守力平平的球隊；隊中的光頭仔阿科圖有光芒四射的演出，目前已經有兩球進賬，有佢壓陣，始終被睇高一線。
對手哥斯達黎加只係一支實力平平的球隊，無論防守同進攻都無甚突出，就連教練朗奴干沙利斯都承認，打入16強已經達標。
另一場德國對尼日利亞，將會是一場較接近的賽事。德國屬於防守穩健、攻力平平的球隊，入球能力未可高估。至於尼日利亞就以小組第3名出線，當中只係贏過大溪地，整體實力只係不過不失，今場賽事大有機會一球上落，入球「細」就最適合不過。
丘建威
有線足球評述員
電郵：mailto:
[email protected]