【經得起考驗】伍詠薇為偷食老公執手尾 李心潔原諒彭順誕孖仔
周汶錡周慧敏李心潔伍詠薇朱慧敏馬伊琍
朱慧敏因彭懷安(Eddie)偷食,令到二人婚事告吹,但日前就有《蘋果》讀者影到佢哋一齊坐廉航去日本旅行,大玩地下情。其實好多愛情都係經得起考驗,過往亦有好多女藝人,都會原諒曾背叛佢哋嘅另一半,好多仲結婚有埋下一代,開開心心咁生活落去。
伍詠薇
去年6月伍姑娘老公練海棠俾周刊影到佢同一名34D長髮女於車廂密會兩個鐘,事後伍姑娘現身錄影節目時公開代夫道歉,又放聲氣話老公「玩完要老婆執手尾」(新聞連結: http://bit.ly/28Gfgpd )。事後伍姑娘照舊同老公去旅行,仲喺微博晒水着照,證明心情未受影響。
李心潔
2014年,彭順與O靚模李悦彤兩人肆無忌憚當眾拖手、啜嘴、搣胸、搭膊、攬腰,之後直落返將軍澳愛巢(新聞連結: http://bit.ly/1FZuXr7 ),彭順之後即飛去大馬搵老婆箍煲,最後心潔都原諒咗老公,去年更為彭順誕下一對孖仔濟雲、子然。
馬伊琍
大陸男星文章,14年3月趁老婆馬伊琍有第二胎嗰陣,搭上大陸女星姚笛,兩人同遊香港及深圳(新聞連結: http://bit.ly/2xjljCQ )。之後馬伊琍都原諒咗偷食老公,仲幫老公宣傳新戲添。
周汶錡
周汶錡12年,同比佢年輕3年嘅法籍男友Julien Lepeu,喺法國舉行童話式婚禮,先後生咗兩個好可愛嘅囝囝Jacques同Avner,但原來佢哋結婚前,都曾經發生過一啲波折,就係09年,Julien曾經俾周刊影到佢同當時嘅新人張苡澂(現名張羽希)喺街頭啜爆,事後周汶錡就寸女方只係為咗做新聞。(新聞連結: http://bit.ly/2w8YCQG )
周慧敏
2008年被拍到背著周慧敏喺蘭桂坊偷食,跟當時年僅21歲嘅城大女學生張茆舌戰激吻,但最終倪震追回女友結婚,而張茆13年就嫁咗俾老外男友K先生,翌年做埋媽媽添!
彭順當年同o靚模Liddy喺戲院偷啜。(資料圖片)
文章被大陸傳媒影到佢背大肚妻馬伊琍到香港及澳門遊玩。(資料圖片)
張苡澂當年啜爆仍未同周汶錡結婚嘅法籍男友Julien。(資料圖片)
o依家周汶錡同Julien已婚,仲生咗兩個好可愛嘅囝囝。(資料圖片)
倪震雖然啜爆城大女生張茆,但最後周慧敏都原諒咗佢,仲結埋婚添!(資料圖片)