當年今日
關於我們

隔牆有耳:
奧巴馬弟港慈善演奏 - 李八方

蘋果日報 2015/02/10 00:00


美國總統奧巴馬細佬Mark Obama本身係鋼琴家,噚日Mark訪港出席慈善音樂會記招。佢除咗即席演奏一首爵士同一首蕭邦作品,仲幫近排復出嘅神隱歌手韋綺姍伴奏一曲《Moon River》。八方本來想問吓佢,對香港嘅政改有乜睇法?不過佢聲明唔講政治,因為好多人講得叻過佢喎。
Mark同奧巴馬係同父異母嘅兄弟,長住深圳,幾乎每個月都會嚟香港。佢下月廿五號會喺「善學好友慈善演奏會」演奏,為內地弱視兒童籌款。佢噚日喺記者招待會用普通話講「新年快樂」、「身體健康」,同港人拜早年。原來Mark本身都喺深圳搞咗個兒童音樂慈善基金,不過暫時未有計劃擴展到香港。
empty
Mark Obama(左)噚日即席演奏,幫近排復出嘅韋綺姍伴奏一曲《Moon River》。