經江澤民辱罵女記者有運行 - 李八方

蘋果日報 2004/02/02 00:00


全世界都講緊選舉,美國唔使多講,人哋已經係成熟嘅民主強國,台灣自己精采,香港就未見曙光。台灣選總統三月就舉行,所以全亞洲都想睇吓阿扁今次出乜嘢橋打敗連宋配。
有線電視靚女張寶華舊年訪問過李登輝之後,原來都想訪問連戰同宋楚瑜,一直唔成功,有一次佢同一位好有江湖地位嘅老人家講起呢件事,點知對方馬上寫咗張條子畀佢,叫佢攞去搵宋楚瑜,有好消息。
寶華話佢起初都係半信半疑,估唔到宋營一收到來信,第一時間答應採訪,開心到寶華不得了。
搞掂咗宋楚瑜,連戰亦開始有興趣,就係咁,藍營兩個候選人都順利做到訪問,二月三日有得睇,寶華曾遭江澤民當面辱罵,話佢sometime賴依芙(唔係八方英文水,係老江當日確實講少咗個s字),寶華從此行大運,江澤民真係好腳頭。
(圖)張寶華難得訪問到連戰,梗係要影張合照留念啦。


傳真︰2623-9278
電郵︰[email protected]