【新增動新聞】
法國中場保羅普巴認真慘，日前佢又再畀曼聯球迷「網絡欺凌」，喺佢嘅社交網站留言叫佢快啲離開曼聯，相信連佢自己都估唔到Post幾張相都會「中槍」。

而家正幫法國國家隊服役嘅普巴近日就喺社交網站上載咗幾張佢同國家隊隊友基沙文同基利安麥巴比嘅合照同場自己日前對德國嗰陣嘅比賽相，諗住呃吓Like，點知咁都令一班曼聯球迷嬲嬲豬，仲留言攻擊佢㖭。

有曼聯球迷就留言警告普巴，叫佢唔好以為自己身價高就大晒：「你嘅地位唔會高邏球會㗎，如果你唔想繼續做曼聯球員嘅話就快啲走！我哋會搵個比你更好嘅人代替！」又有球迷批評普巴對曼聯唔夠忠誠：「普巴嘅言論真係好唔尊業，顯示佢根本唔想效忠曼聯。」

今季盛傳普巴想離開曼聯，佢本人早前就為自己嘅轉會傳聞解畫：「我而家同曼聯仲有合約，所以我仍然擁於紅魔，不過幾個月之後會點，我諗無人會預計得到。」唔知呢班曼迷嘅言論又會唔會令普巴立定決心一月走人呢？

--------------------
荷蘭橙衫軍大舉進駐BFB CHAMPIONS 2.0！荷蘭球星機率 7 倍UP！立即下載
http://bit.ly/2xrTKGM
--------------------
《體蘋果》陪你睇波講波
https://www.fb.com/appledailysports