希臘人嘅哲學有乜代表？蘇格拉底、柏拉圖、定係其他？我覺得乜都假，球類運動嘅防守藝術先係希臘最精要嘅智慧！
大家會問，點解希臘嘅球類運動係防守？上屆歐洲國家盃，希臘滴水不漏嘅後防，想入佢一球都好難。希臘4強仲搞掂我隊捷克，以上嘅情節，各位球迷一定記得！我以為足球只係一個偶然，原來連希臘嘅籃球隊都同樣係以防守稱霸歐洲，最近睇世錦賽先至發現，佢哋係上屆籃球嘅歐洲盃冠軍，足球、籃球都貴為歐洲霸主，你話勁唔勁！
足球場上，你好難入到希臘一球；籃球場上，你亦好難喺希臘身上攞到70分。防守，讓希臘嘅足球籃球打橫行！就好似佢地嘅哲學思想，影響全歐洲人點諗㗎！

今晚，歐國盃外圍賽又嚟啦！希臘作客對住摩爾多瓦，捧希臘W兼開細，必贏！防守出色嘅希臘，呢個絕對係合理賽果。至於其他場次，長途戰球員正路唔會去盡，入球估細有着數。
另外，較有睇頭嘅賽事，當然係正值換班嘅捷克同德國呢兩場。兩隊主隊都高一班波，主場實在好難輸，簡單一啲，主客和要主隊單W，熱熱地，勝在夠穩陣！
（8月賺蝕：-10%）
商業1台《球迷集中贏》主持
周鵬
電郵：[email protected]