韓劇《主君的太陽》男星蘇志燮孖孫藝珍主演嘅新片《現在很想見你》，噚日白色情人節喺韓國開畫，噚日撞正由朴海鎮及吳漣序主演嘅電影版《奶酪陷阱》同日開畫，最後由蘇志燮孖孫藝珍嘅《現在很想見你》成功跑出，噚日開畫引近9萬觀眾捧場，累計觀影人次逾11.2萬名觀眾，穩坐單日票房冠軍。

至於同樣噚日開播嘅《奶酪陷阱》，單日有3.2萬觀眾入場，累計觀影人次近4萬，排單日票房嘅季軍，亞軍為金喜愛主演嘅《消失的夜晚》。而觀眾噚日睇完《現在很想見你》暫時口碑都唔錯，觀眾都話睇到好心動，亦覺得兩位主角好合襯。

不過最令觀眾驚喜係蘇志燮《主君的太陽》嘅拍檔孔孝真原來有驚喜登場，當中根據蘇志燮受訪時透露，孔孝真出現電影係由孫藝珍提出，事關孔孝真同蘇志燮因為合作《主君》而成為好友，本身孫藝珍同孔孝真又老友鬼鬼，所以先會邀請孔孝真客串，同時片中原來沒有「滾出」呢個台詞，但因為喺《主君》成為熱潮，所以喺電影才加入。

更多韓流，喺晒《娛果》
http://fb.com/appledailyent