上期士佳在本欄寫道:「大市既然突破不成，便要向南走，所以士佳依然淡倉在手……想買股儲貨，不妨等大市回調至13000樓下。」當時大市仍在14500水平，但士佳仍然對造淡信心十足，皆因有晒技術分析支持，結果言猶在耳，大市已在上周四火速達標。
雖然市況認真麻麻，但似乎無減投資者買貨意欲，尤其對於最近滙豐控股（005）及聯想（992）突然大跌，不少讀者電郵問士佳可否一撈。其實股價突然大跌，並唔係好現象，但人性習慣用新價與舊價比較，去衡量是否抵賣，就似名牌手袋，一旦減價開倉，必會引來人潮搶購一番。投資者潛意識中亦有這種回歸中軸概念，見識過高價後，當股價大跌，便會開始認為抵買，想入市撈底。

滙控仍是南行列車

這種想法其實大錯特錯，因為股票是無形之物，價格往往來自估值，改變估值方法隨時得出截然不同的價值，股價大跌，未必因為今天錯價，亦可以是昨天錯價，現價才是正確估值，所以盲目逆勢而行，隨時十次輸八次，所以一定要學識睇趨勢。
以聯想（992）為例，此股肯定處於跌勢之中，近日更是跌中之跌，此時撈底，望股價回歸中軸，似乎不是易事。當然，巴士都有總站，去到總站之後，總有機會向北行，可惜總站只得一個，但中途站卻比比皆是，怎可以肯定撈中個底？結果證明，聯想早前大反彈，只是南行線的其中一個中途站罷了。
滙控曾經身價上百，投資者自然覺得現水平好抵，但筆者認為，環球金融業境況堪虞，昔日的滙控有百元的理由，跌至今天60多元水平也有其道理，大摩唱淡未必無因，到底現價是「終站」，抑或只是「中站」，筆者也不敢亂估，但至少可以肯定，現時滙控仍然是一班南行列車，士佳不會逆勢而行。
相較之下，筆者寧願選擇向北的列車，例如上周升幅可人的麗新發展（488），不但估價吸引，而且大成交突破兼逆市上升，與前兩者比較簡直南轅北轍。雖然現在來看是蘇州過後，但卻是順勢選股的最佳寫照，不過，大市近期連日下跌，試問如此市況，又有多少隻逆市奇葩？既然無好股可買，士佳索性不作推介，問筆者有咩忠告？就係「唔買好過買」，轉念一想，其實也是最佳貼士。
張士佳