【16:33】新增九巴回覆

一名九巴車長被指阻止輪椅婆婆上車，與車上其他乘客爭執，其間情緒失控，出言挑釁輪椅婆婆家屬，揚言脫去制服「隻揪」。

讀者陳小姐，昨晚10時許在荃灣愉景新城巴士總站，乘坐九巴243M線往青衣。她表示當時已經有一名坐輪椅的婆婆登車，並「連人帶車」泊在輪椅停放區。巴士駛到第一個站「荃灣站」，再有一名坐輪椅的婆婆及其家人欲登車。

陳小姐表示，車長已經向他們表明不能夠登車，亦未有離開司機座位協助。惟婆婆家屬不理，逕自打開輪椅斜板，推婆婆登車，扶婆婆離開輪椅，坐到旁邊的關愛座，再收好輪椅放在一旁。陳小姐指車長不停指責婆婆家屬，更出言挑釁「我而家就除咗制服同你隻揪」。

車上乘客不值車長所為，認為他態度極之惡劣，紛紛指責，一時間群情洶湧。當巴士駛至下一站「大河道」並停下時，由陳小姐拍攝的片段可見，包括家屬在內的多名乘客一同指罵車長：「你冷靜啲先好開車我話畀你聽，我唔想成車人條命喺你手上。人哋呢個阿婆嚟㗎，你做乜兇人哋啫？你而家咩態度？你而家完全係控制唔到你情緒。」車長則回應說：「我已經叫佢唔好上車。」亦有小童感到害怕，不斷詢問家長發生何事。擾攘近10分鐘，車長最終表示巴士不會繼續行程，要求乘客落車轉下一班車。

就事件本報正向巴士公司查詢，包括巴士是否只容許一部輪椅登車？涉事車長處理手法是否恰當？

有退休的經驗車長稱，巴士有分單輪椅座和雙輪騎座，要是該巴士只得一個輪椅座，車長是有權拒絕讓第二輛輪椅登車，乘客要是強行登車，是「夾硬嚟」罔顧其他乘客的安全。「因為即使輪椅摺埋，都會有機會喺轉彎時跌出通道，又或者阻住通道。」而根據巴士附例，乘客攜帶的物件不能超過5公斤、不可以阻塞通道。

九巴表示，根據第230A《公共巴士服務規例》，巴士車長在工作時須採取一切合理預防措施，確保乘客安全。據資料，當時車上已有另一位輪椅乘客使用輪椅泊位，車長須基於安全考慮，包括足夠空間供安全停泊另一輪椅，避免未有繫穩的物件危害其他乘客安全，建議未能上車的乘客乘搭下一班車。就是次事件，九巴會按照程序調查，並採取適當的跟進行動。
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568