苟姑娘曾因壓力備１受甲狀線問題困擾，水腫暴肥，2008年選華姐時105磅，有指她體重曾直升上170磅，「呃人，真係無上過去呢個磅數，我係唔睇磅數的，因為唔想俾自己一種壓力，每次去診所，都係姑娘睇，佢睇完我就走，因為知道磅數都無助我減肥。」

減肥之路從來艱苦又寂寞，苟芸慧的賽車減肥卻充滿樂趣，「忍唔住講，其實我有一個好靚仔的教練，佢係typical靚仔鬼佬，鼻高高、眼大大，令我上堂更加開心同專心，哈哈！」她自爆靚仔阿sir教學，令她更有動力上堂，讀書時，因為數學阿Sir好靚仔，令她數學科成績特別好。

至於節食，真的只能靠意志，「朝早食飯，配唔同餸，好似牛肉炒菜咁，再加一杯咖啡。中午就cut down少少，salad為主，或者唔要太多糖、澱粉質，夜晚就盡量6點前食，有街去的話，就睡前4小時不可以食野。」