當年今日

701收料站:歐洲大行睇中信星

蘋果日報 2002/06/10 00:00


自從小初喺健諾(8031)一役輸過錢後,突然間怕死,走番去睇呢排深受芬佬歡迎嘅傳統工業股,心諗點都穩陣啲。
小初喺外資行做分析員嘅細姪女Amy,推介信星集團(1170),佢話隻股被歐洲大行睇中,出咗份報告話睇3.33元,現價2.625元,即係重有得升。綜合過往呢間證券行推介過嘅工業股,例如毅力(332)等都有理想升幅。
小初睇番信星嘅走勢,其實同好多高息工業股一樣,今年股價已經升咗成倍有多,但由於呢排外資行時興玩工業股,先至出現高處未算高嘅局面。
今次推介信星嘅歐資行,以BB裕元(551)嚟形容同樣做鞋嘅信星,指出佢潛質好,而且佢主力做優閒鞋同埋細路鞋,同裕元主力做波鞋嘅市場唔同。
裕元因為批股傳聞,股價受到壓力回落咗啲,但信星大把現金在手,斷估都唔使批股。
慕容小初