大市上星期喺大量游資充斥下繼續被掃高，香港遊除咗益香港之外，對梳打埠的經濟都有正面影響，皆因部份同胞嚟香港之後，可能會順道去澳門玩番兩手。
上個禮拜咁啱有人話會注入啲澳門賭權入去上市公司，搞到幾隻有賭場概念嘅股份勁升。有澳門朋友講，要留意一下隻嘉華國際（173），皆因佢哋本業喺99年後一直萎縮，𠵱家正係向上市公司注入新資產嘅最佳時機。呢位朋友話，大股東之前已經攞到澳門賭牌，喺呢個關鍵時刻應該出動王牌，預計短時間內會有公布。隻股上個星期已經勁升兩成，如果傳聞係真嘅，相信重會有力，不妨留意。