當年今日

四英雌率娘子軍出巡
原子鏸胸降MK女人萬歲

蘋果日報 2006/09/04 00:00


原子鏸、毛舜筠(毛毛)、林苑及謝寧等四位電影《大丈夫2》女演員,昨日率領100位女性,齊集旺角行人專用區,高舉寫上「女人唔滾、男人唔緊」的橫額遊行,宣示女權。她們沿途大派電影T恤,場面混亂,低胸上陣的原子鏸更成焦點所在,相反林苑為免被人睇蝕,拒絕性感上陣。
電影公司原先安排原子鏸、毛舜筠、林苑及謝寧等《大丈夫2》女演員由旺角街頭近亞皆老街位置,沿着行人專用區步行至百老匯戲院,並派發T恤造勢。不過為免人多引起混亂,故縮短行程。
雙手護胸
由於大批工作人員在旁護駕,加上傳媒人數眾多,令圍觀市民無法埋身,眾女星只好將T恤拋向途人。
昨日原子鏸穿上吊帶低胸裙上陣,她說:「我覺得着得自然就得,平時好少嚟旺角,今日見到咁多人圍住,都唔係好驚。」而毛舜筠強調自己是一個正派監製,絕對不會要求演員穿着性感服裝為電影宣傳,她說:「佢哋咁靚女,喺旺角着得咁性感,我都驚驚哋,太混亂唔係幾好,安全最緊要。」
相比原子鏸,同場的林苑顯得非常密實,她聲稱自己並非走性感路線,故不會以性感打扮現身旺角。
事後林苑說:「我覺得場面都唔係好混亂,我都驚俾人睇蝕,係女仔都驚㗎啦!我私底下就會着得性感,但公開就一定唔會,如果有乜嘢事,我會第一時間用雙手護住自己個胸先。」
採訪:魯萍
攝影:葉君海
empty
林苑(右五)、謝寧(右四)、毛舜筠(右三)及原子鏸(右二)率領100名女性高舉「女人唔滾男人唔緊」標語遊行。
empty
原子鏸在周日旺角街頭派T恤,吸引大批記者拍照。