【積奇論戰】潘頓停賽改配何澤堯 冷冷哋值得玩吓
何澤堯積奇論戰潘頓停賽琴心星
今次(19日)夜馬跑沙田全泥地,可能近期賽事編排太頻密,參戰馬未見踴躍,有三場不滿額。
擅長於泥地賽出擊的馬房,如徐、沈及羅廐,都有實力馬參戰,此外,葉廐剛在日賽(16日)連中三元,今期戰馬都唔錯,可以乘勝追擊。
潘頓停賽,焦點更集中於莫雷拉身上,但要衡量座騎實力,不宜盲目追捧。
第六場三班1800米:「琴心星」今季只跑兩仗,一出即勝谷草一哩,上回相隔三個多月再跑,其間曾經缺課,且陣上發揮也未盡完善,當晚潘頓匹匹走外檔衝贏,但此駒卻在內檔等位,結果塞車下未能盡展後勁,輸得不值。
今次匆匆再戰初跑泥地,以往試泥閘有過極佳表現,就以8月24日第二組泥閘為例,後追造 1分09秒91掄元,可以判斷其泥地性能一定好出色。
既然上仗賽前操練有疑問,陣上發揮有瑕疵,就當做個大閘,今次轉戰泥地,潘頓停賽由何澤堯執韁,一定換來分頭,這匹半冷馬就值得一博。
蘇保羅出兩駒,都是季內能取勝之馬,論泥地性能,當然以「威利熱流」較有根據,同程四戰得兩冠一季,今仗由韋達執韁,近期搏馬手順風,交出水準三甲甚穩。
「金如意」則初跑泥地,以往試過12次泥閘,雖然未贏過,但得過一亞三季四殿軍,經常展現追勢,故相信泥地性能無疑問。此兩駒近況都出色,所以一併兼顧。
「旅遊首席」老而彌堅,剛戰四班負重磅,全程帶放末段走甩,贏兩個半馬位。今季操養得宜,體力充沛,返三班排內檔(第4檔),因應快馬唔多,應該可繼續操控步速賺形勢。