賭王四房孻女何超欣今日正日18歲生日，家姐超盈同阿哥猷君輪流飛左去倫敦同佢預祝生日，超盈今日就post左幾張相於IG，見佢哋去ball、shopping同party，切蛋糕等，玩得好開心。

家姐超盈就同妹妹慶生，18歲的超欣穿上少女味濃的粉紅色低胸裙切蛋糕，家姐拍片放IG，片中就見超欣已將Supreme X Louis Vuitton Collection的潮物弄到手，$7,100的紅色銀包非常eye-catching，未知是否家姐超盈送她的生日禮物呢？

據知Louis Vuitton in collaboration with Supreme系列將會今年7月中全球開售，是潮界的話題之作，香港會於中環置地和廣東道旗艦店有售，品牌將會公有開賣細節，而超欣就一早到手，可算是全球率先擁有，實在令人相當葡萄，相信開賣當日又會引起排隊的人龍！