吳鎮宇、胡定欣、胡子彤、余香凝及陳詠燊導演的《逆流大叔》團隊，黃秋生、Crisel Consunji及陳小娟導演的《淪落人》團隊，還有林家棟、袁富華、姜皓文、柏天男等演員，昨晚到觀塘出席香港電影工作者總會春茗，今年主題為「聲影夢飛翔」。

今屆獲提名香港電影金像獎最佳男主角的五位男演員既有份量亦有演技，不過呼聲最高的是黃秋生和吳鎮宇，兩大勁敵昨晚同場現身，已經忍不住要鬥嘴熱身，鎮宇表示對《逆流大叔》團隊有信心，只要其他人開心就可以了。問到為何對自己沒信心?他笑說：「我呢啲係以退為進，唔得咩?」

外界熱論影帝之爭是鎮宇與黃秋生，鎮宇直言：「如果係咁一定係秋生，我未睇，不過聞到陣除就知好勁，佢用個頭嚟演戲吖嘛！頭以下都唔郁嘅，呢啲咪攞獎格囉。」問鎮宇是否認命輸給秋生的頭？身旁的胡定欣即搶說：「你下半身郁晒㗎喎？」鎮宇戲言：「嗰套叫《三夫》囉！」

而被一致睇好，贏面相當大的秋生就一副沒所謂格：「有就沖喜，唔會刻意。是但啦！」說到鎮宇指他用頭演戲是攞獎格，秋生笑謂：「佢用成身都輸畀我個頭，我係得個頭做戲啫，佢用成個身咪輸囉！扒龍舟嘅，唔使睇已經知佢勁。」覺得自己個頭會輸給鎮宇的舟嗎?秋生大笑說：「係呀，佢輸畀我個頭，我又輸番比佢個舟囉！」講到鎮宇說聞到陣除已知秋生贏硬，秋生聞言即開心說：『佢咁講吖?我真係聽到鬆毛鬆翼呀！」

精選娛聞，喺晒《娛果》
http://fb.com/appledailyent

第二屆最港電影大獎投票網址
https://bit.ly/thekongestfilmawards2018

3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money！
http://bit.ly/2ICO2Mb