美國天后麥當娜（Madonna）明年2月起展開亞洲巡迴唱「RebelHeartTour」，各地歌迷已於今朝開始喺官方歌迷會網站搶飛，香港、台灣及日本都反應熱烈，而澳門站定於只得5,000個座位嘅新濠影滙綜藝館舉行，由於尚未有公開票價，所以本地歌迷可謂唔使諗，主攻香港鐵定2月17日嘅亞博騷比較實際。

香港、台灣及日本fans今朝㩒爆電腦訂飛，唔少日本網民成功購票後都隨即報喜，香港以$688及$2,488門票最快賣清，之後連1,888及1,488都被掃光，令香港區嘅歌迷會門票宣佈售罄，而台北小巨蛋嘅歌迷會優先預訂門票，都一度顯示已經售完，其他歌迷要等下星期一citi信用卡客戶優先預訂及下周五於快達票網站及訂購熱線再踫運氣。