草蜢嘅蘇志威（阿細）有份投資嘅跳舞學校，最近得到「創意創業大獎」，今日第三間分店喺觀塘開張，太太劉小慧同囡囡﹑毛舜筠﹑鍾慧冰﹑林淑敏等撐場，阿細邀請到鄺美雲（Cally）任剪綵嘉賓，Cally仲騷埋玉腿添。阿細話： 「希望好似便利店，開到總有一間喺左近。」

除咗跳舞學校外，計埋服裝生意，蘇老闆咪變咗大富翁？佢就話：「唔係，創業之餘都要守業。」

此外，Cally話要Keep弗，問佢係咪因為結婚所以操弗啲？佢話：「年底喺北京有大型珠寶拍賣，事前要影相。」