韓國「國民初戀」秀智夥拍男星李鍾碩主演嘅SBS新劇《當你沉睡時》，將於本月27號首播，雖然劇集係先拍後播，兩人之前不時喺街頭被捕獲拍攝狀況，不過劇組近日先公開兩人嘅花絮照。

繼日前公開咗兩人讀劇本嘅相後，劇照今日首度公開秀智及李鍾碩嘅劇照，相中兩人一齊搭巴士，飾演檢察官嘅李鍾碩未知係咪太攰，挨喺秀智膊頭瞓着咗，而秀智就靜靜咁望住李鍾碩，氣氛溫馨而曖昧。劇組表示呢幕拍攝於本年3月2號，係劇集嘅首次拍攝日，雖然兩人係第一次合作，但都好合拍，不時互相交換意見。

另外，秀智近日身穿吊帶連身裙、輕露事業線為代言珠寶品牌拍攝新相，大晒女人味。