美股勁彈，A股狂升，看似一片歌舞聲平，但手握港股嘅你，有否發現個倉近日經常滿江紅？揸實高增長股，諗住跑贏大市，但上月減息之後，資金轉哂口味，喪沽高估值新經濟股，換入舊經濟中資金融及基建股，環保、水務、醫藥、智能手機股全線敗走。

緊跟國策炒新能源股？對唔住，油價過去半年跌左5成，拓展新能源效能大減，比亞迪（1211）單日可以唔見3成，基金股金風（2208）、興業太陽能（750）追入即重創，安東油田（3337）半年插足8成，R.I.P.。炒細價股、賣殼股又點？一來風險高、注碼不能大，贏少少就雞飛狗走，近排仲瘋狂洗倉散水，閒閒地唔見一半，之前贏幾多轉都好，一鋪就嘔突。

睇通大方向，避去中資股，但同一隻股票，A股可以日日漲停，H股卻毫無寸進，能升2%至3%已經要還神。臨近年尾，相信不少戰友已收爐放假，等出年再博殺。如仍在戰場，買A股ETF南方A50（2822）及華夏滬深300（3188）吧，不用冒揀股風險。有賺的股票可沽出獲利，可輕鬆過聖誕，又可買份禮物畀自己，至於蟹貨，算吧！望實都唔會即刻上番去，放假後再處理吧！

http://www.facebook.com/2012jason